INFOMAX.MK

Хрватските репрезентативци вечерва не можеа да направат нов подвиг на Мундијалот во Катар и загубија со 0-3 од Аргентина, па така им остана борбата за третата позиција на Светското првенство (СП).

Селекторот на Хрватите, Златко Далиќ вели дека е задоволен од играта на неговите избраници и вели дека со две раце ќе прифателе ваков епилог ако некој им понудел пред СП.

„Немам што да им замерам на момците, играа колку што можеа во моментот. Имавме длабочина во играта но немавме завршница и расположени напаѓачи. Во второто полувреме сакав со Оршиќ да го зголемам притисокот кон напред, но третиот гол нѐ сосече тотално. Честитки за сите, ќе се обидеме во сабота да сме конкурентни во мечот за бронза. Да ни понудеше некој пред СП ваков епилог – со две раце ќе прифатевме“, вели Далиќ.

Далиќ даде краток коментар и за пеналот кој го направи несреќниот голман Доминик Ливаковиќ.

„Мислам дека момците бараа корнер пред да биде таа ситуација со пеналот, но што е тука е. Вечерва победи подобриот, немаме што да жалиме“, кажа Далиќ.

Хрватска ќе се бори за трето место против поразениот од мечот меѓу Мароко и Франција, кој е закажан за утре од 20 часот.

Извор: sport1.mk