Малолетник од Чешка осомничен за лажните дојави за бомби во црногорските училишта

Малолетник државјанин на Чешка испратил лажни пријави за поставени бомби во училишта и други црногорски институции, соопшти денеска Управата на полицијата.

Според пријавата, малолетникот не е поврзан со Црна Гора, а делото е извршено на територијата на Чешка.

Црногорската полициска управа им се заблагодари на сите меѓународни партнери кои на различни начини помогнале да се постигнат вакви резултати, а особено во овој случај чешката полиција и чешката амбасада во Црна Гора, кои, како што се наведува, дејствувале брзо и ефикасно.

Полициската управа потсетува дека во последните шест месеци има десет лажни дојави за бомби во училишта и други институции.

„Поголемиот дел од тие случаи се решени со идентификувани сторители или форензички, односно оперативни податоци преку кои може да се дојде до сторителот во наредниот период“, ​​се наведува меѓу другото во полициското соопштение.

Share on Facebook

Tweet

Follow us

Save