Убиен македонски државјанин во Бугарија?! – Пронајден е мртов пред шопинг мол – институциите молчат

Инфомакс дознава дека македонски државјанин е пронајден мртов пред шопинг мол во соседна Бугарија. Информациите не се потврдени од македонското МНР и македонското МВР иако и официјално Инфомакс побара одговор од наделжните институции.

Официјална потврда нема ниту од бугарските надлежни институции.

Веста за смртта на Стојан Спасов ја сподели негов пријател на социјалните мрежи кој потенцира дека и после два дена од неговата смрт молчат и државните институции и медиумите. Во моментов не е позната ниту причина за смрт иако неговиот пријател тврди дека тој е убиен.

-Сабота, 17ти Декември, е убиен македонски државјанин во соседна Бугарија, Стојан Спасов. Два дена после неговата смрт, никој од македонските медиуми не го објавува случајот. Столе е пронајден мртов пред шопинг мол. Телото е на обдукција и се уште не знаат како е настаната смртта. Апелирам до медиумите да ја објават веста за неговата смрт!Истовремено апелирам до македонската полиција и до македонските служби да помогне во обдукцијата да се дознае вистинската причина за смртта, и да помогне за враќање на телото во нашата држава.

Share on Facebook

Tweet

Follow us

Save