Ситуацијата на Косово е „вознемирувачка и тензична“, велат од ЕУЛЕКС

Мисијата ЕУЛЕКС денеска соопшти дека безбедносната ситуација на северот на Косово е „вознемирувачка и тензична“.

Во својот одговор за „Косова прес“, мисијата наведува дека нејзините патроли на северот на Косово забележале присуство на „вооружени луѓе, често маскирани поединци и групи“, како и дополнителни барикади.

Од ЕУЛЕКС велат дека тоа е „неприфатливо“ и дека барикадите мора веднаш да се отстранат.

Тие оценуваат и дека „безбедносниот вакуум создаден по оставката на српските припадници на косовската полиција може да го користат криминалните групи“.

Тие наведуваат дека на органите на прогонот е да го спречат тоа и дека ЕУЛЕКС е поддржувач на превентивни мерки во рамките на својот мандат и капацитет, но дека не може да ја замени косовската полиција.

„Важно е веднаш да се деескалира ситуацијата и да се воздржи од најпровокативни дејствија. Ова е пред се за доброто на локалното население, чија заштита и безбедност се загрозени поради моменталната состојба“, велат од ЕУЛЕКС.

Share on Facebook

Tweet

Follow us

Save