Турција се договара со Русија за напад на сириските Курди?

Турција преговара со Русија за користење на воздушниот простор на северот на Сирија за воена операција против Единиците за народна одбрана (YPG) на сириските Курди, изјави денеска турскиот министер за одбрана Хулуси Акар.

Турција веќе неколку пати изврши инвазија на територијата на Сирија за да се справи со „ЈПГ“ и со месеци се заканува дека ќе го направи тоа повторно, пренесува Ројтерс.

Тензиите особено се зголемија по терористичкиот напад во Истанбул на 13 ноември, кога експлодираше бомба на главниот градски плоштад Таксим, при што загинаа шест, а беа ранети 81 лице.

Турција ги обвини курдските милитанти за нападот и започна нови напади врз нивните упоришта во северна Сирија, иако Курдистанската работничка партија (ПКК) и „ЈПГ“ тврдеа дека не се одговорни за крвопролевањето во Таксим.

Русија се смета за главен сојузник на сирискиот претседател Башар ал Асад, а нејзината војска се уште е присутна во Сирија.

Share on Facebook

Tweet

Follow us

Save