Размената на затвореници главна тема: Рускиот и украинскиот омбудсман ќе се сретнат во Турција неделава

Народните правобранители на Русија и Украина ќе се сретнат оваа недела во Турција, објавија денеска руските и украинските новински агенции..

Рускиот омбудсман Татјана Москалкова и украинскиот омбудсман Дмитро Лубинец се очекува да разговараат за идната размена на воени заробеници.

Средбата на Москалкова со Лубинец ќе се одржи во рамките на меѓународниот форум што ќе се одржи во Турција од четврток до сабота, јави агенцијата Интерфакс, повикувајќи се на Москалкова.

„Понатаму, сакаме да го покренеме прашањето за цивилните заложници што Руската Федерација масовно ги држи на привремено окупираните територии на Украина и на кои не им е дозволено да се вратат дома“, рече Лубинец.

Мировните преговори меѓу Москва и Киев дојдоа во ќорсокак во месеците по инвазијата на руските сили во Украина и сè уште не се обновени, забележа Ројтерс, цитиран од БТА.

Share on Facebook

Tweet

Follow us

Save