Сијарто: Унгарија ќе гласа против членството на Косово во европските тела

Министерот за надворешни работи и надворешна трговија на Унгарија, Петер Сијарто, денеска во Будимпешта изјави дека земјата ќе гласа против членството на Косово во европските тела, пренесува РТВ.

„Нашиот став е дека би го загрозило постигнувањето компромис доколку одредени европски формации го примат Косово пред да се постигне договор. И поради таа причина, Унгарија ќе гласа против членството на Косово во европските тела“, посочи Сијарто одговарајќи на прашања од новинари, на заедничка конференција со министерот за надворешни работи на Србија Ивица Дачиќ, јави Танјуг.

Сијарто нагласи дека, што се однесува до Косово, Унгарија е навистина заинтересирана да се дојде до решение врз основа на вистински дијалог.

„Затоа го прифативме раководството на силите на КФОР на Косово, бидејќи мислевме дека можеби на тој начин можеме да придонесеме за обезбедување мир. Сакаме компромис да се постигне што е можно поскоро“, рече Сијарто.

Share on Facebook

Tweet

Follow us

Save