Расте стравот на Тајван од Кина – Дозволена ОБУКА ЗА ЖЕНИ за во резервни сили!

Војската на Тајван вчера го претстави планот да им дозволи на жените да волонтираат за резервна обука за прв пат во земјата, бидејќи Кина го зголемува воениот притисок врз Тајван.

Министерството за одбрана на Тајван соопшти дека ќе им овозможи на 220 отпуштени војници да аплицираат за обука почнувајќи од вториот квартал на оваа година. Досега се обучуваа само машки резервисти бидејќи немало доволно капацитет за обука двата пола. Тајванските пратеници рекоа дека исклучувањето на жените од обука во резервните сили претставува родова дискриминација, пишува CNN.

Тајван има околу 170.000 војници, главно доброволци
Во декември, Тајван објави дека ќе го продолжи периодот на регрутирање од четири месеци на една година, почнувајќи од 2024 година, што ќе важи за мажите родени по 2005 година. Тајван има околу 170.000 војници, главно волонтери, и обучува околу 120.000 резервисти годишно.

Мажите на возраст меѓу 18 и 36 години или мора доброволно да служат војска или да ја завршат својата задолжителна резервна служба. По отслужувањето на мандатот, тие се на дополнителна обука во четири наврати во следните осум години. Во 2021 година, имало 15% жени во војската на Тајван, но тие главно служеле во неборбениот сектор.

Share on Facebook

Tweet

Follow us

Save