Кој би очекувал? Интер го демолираше градскиот ривал за нова титула во Суперкупот

Интер за 20 минути му даде набрзина два гола во првата половина од првото полувреме на актуелниот италијански првак Милан, па со триумфот со 3-0 во Ријад (Саудиска Арабија) стигна до трофејот во Суперкупот на Италија.

За Интер ова е седми трофеј во Суперкупот со што се израмнија по број на освоени вакви трофеи со градскиот ривал, а Јувентус со девет останува најтрофеен во ова натпреварување на првакот и победникот на Купот, кое се игра од 1988 година наваму. Интер и лани го освои Суперкупот во С. Арабија после победата со 2-1 против Јувентус по продолженија.

Федерико Димарко по 10 минути игра на асистенција на Николо Барела ја најави, а Един Џеко во 21-та после асистенција на Франческо Ачерби ја дуплираше и ја завери победата за нов пехар на „нераѕурите“. Кога веќе беше јасно дека Интер ќе го добие ова „дерби дела Мадонина“, Лаутаро Мартинез на 13 минути пред крајот само стави печат на убедливиот триумф.

Share on Facebook

Tweet

Follow us

Save