Реформите и интеграцијата се незапирливи, заклучиле Гир и Груби

Првиот потпретседател на Владата и министер за политички систем и односи меѓу заедниците Артан Груби оствари средба евроамбасадорот, Дејвид Гир. На оваа средба се разговараше за процесот на интеграција на земјата во ЕУ по отворањето на преговорите за членство, како и за итната потреба од иницирање на уставни измени и нивно успешно завршување како единствен начин за одржување на втората меѓувладина конференција, соопштија од кабинетот на вицепремиерот Груби.

Оттаму велат дека Груби го информирал амбасадорот Гир дека коалициските партнери веќе ги започнале подготовките за уставни измени и се решени да создадат Алијанса за Европа со сите прогресивни сили во земјава.

Според соопштението, на средбата се разменети мислења и за предизвиците со кои ќе се соочува земјата во процесот на интеграција во ЕУ, особено реформите и владеењето на правото, борбата против корупцијата и организираниот криминал како и за очекувањата, но и за конкретните придобивки кои ќе ги имаат граѓаните со полноправно членство во Европската Унија.

Share on Facebook

Tweet

Follow us

Save