INFOMAX.MK

Резолуцијата на Европскиот парламент за испорака на тешко оружје за Украина и повиците за целосно ембарго на енергија и нуклеарно гориво од Русија предизвикуваат ескалација на конфликтот во Украина и инфлација во Европа, изјави државниот секретар на унгарскиот премиер Виктор Орбан.

– „Европскиот парламент усвои резолуција оваа недела. Има две навистина сериозни точки. Според седмата точка, неопходно е да се зголеми и забрза испораката на оружје за Украина. Текстот содржи конкретно набројување – уште повеќе тенкови, оклопни возила и муниција. Следниот чекор ќе бидат борбени авиони и ракети со долг дострел. Тоа е се освен повик за мир. Многу поверојатно е голем чекор кон воена ескалација“, рече Деметер.

Според него, не помалку сериозен е ставот 26, кој предвидува целосно ембарго на фосилните горива и ураниумот од Русија.

„Со други зборови, тие, освен нафта и гас, целосно би го забраниле увозот на руско нуклеарно гориво. Така, Европскиот парламент поддржува не само дополнителни санкции, туку и инфлација. Главната причина за рекордната инфлација е порастот на цените на енергенсите. И тоа се случи поради санкциите. Целосното ембарго е загарантирано понатамошно поскапување. Мислам дека ова е многу погрешен начин“, рече Деметер и вети дека ќе има дискусии на оваа тема во наредните недели.