Ковачевски најостро го осудува каменувањето на македонскиот клуб во Благоевград: Бугарија да ги најде и казни вандалите

Премиерот Димитар Ковачевски преку објава на Фејсбук го осуди каменувањето на македонскиот културен клуб во Благоевград и вели дека тоа е чин на вандализам и дека очекува од надлежните во Бугарија да ги пронајдат и санкционираат сторителите.

– Каменувањето на македонскиот клуб „Никола Јонков Вапцаров” во Благоевград е чин на вандализам кој најостро го осудувам. Ваквите активности не соодветсвуваат на договорената политика за унапредување на добрососедските односи, взаемното почитување и пријателство меѓу две соседни држави.

Очекувам од страна на надлежните институции во Бугарија во најкраток можен рок да се пронајдат и санкционираат сторителите и да се осуди вандализмот. Македонија во духот на европските вредности, ќе продолжи со заложбите за зацврстување на дипломатската и позитивна агенда меѓу Македонија и Бугарија. – напиша Ковачевски на Фејсбук.

ЛИНК од објавата

Share on Facebook

Tweet

Follow us

Save