INFOMAX.MK

Средношколецот Гуркан Озтурк, кој 63 часа по земјотресот беше спасен од под урната петкатница во турскиот град Хатај, со својот мобилен телефон ги снимил часовите што ги поминал под урнатините, јавува Анадолу.

Озтурк (19) во моментот на земјотресот, на 6 февруари, бил во куќата на својот дедо во Антакија, каде што заминал да учи. Поради силен земјотрес зградата се урна. Куќата на неговите родители, каде што биле неговиот татко, мајка и брат, не е оштетена.

Озтурк ги снимил моментите поминати во малиот простор кој му овозможил да преживее со својот мобилен телефон.

High school student who asked about his books after being rescued, filmed his days-long wait in the earthquake rubble

🔴 LIVE updates here: https://t.co/rjJzOvo2mE pic.twitter.com/BgPoZv4pyL

— ANADOLU AGENCY (@anadoluagency) February 12, 2023

Првите зборови на видеото на кое се гледаат само неговата рака во тесен простор покриен со урнатини се: „Ме фати земјотрес. Боже да ми помогнеш, се надевам дека сите се добро. Не сакам да умрам млад“.

Rescued from quake debris, 19-year-old boy asks for test prep books first

🚑Medical personnel promises Gurkan Ozturk who is preparing for university entrance exam that she will collect books for him https://t.co/cbo9Rmnw1Y pic.twitter.com/7eg64NLSSf

— ANADOLU AGENCY (@anadoluagency) February 11, 2023

Во моментите кога ги почувствува последователните потреси под урнатините, Озтурк рече:

„Пријатели, поминаа скоро 40 минути внатре, мислам дека успеав да направам празнина каде што ми се нозете, ископав со врвот на раката и ја пополнив празнината со камења да не се урне. Одоздола чувствувам ладен воздух, мислам направив дупка низ која можам да дојдам кислород. Да видиме дали ќе го преживееме земјотресов? Ако го преживеам овој земјотрес мислам дека ќе ценам работите во животот се подобри. Има уште многу луѓе да се сакаат. Ги сакам сите многу, посебно мама, тато, браќата. Не плашете се, се надевам дека не сте тажни. Не знам што се случува таму надвор, но се надевам дека нема да има големи проблеми. Веројатно тоа е само нешто со неколку стари згради“.

На видеата се гледа како младиот човек удира со камења во ѕидот за да го слушнат спасувачките екипи. Голема радост дојде кога го слушна гласот на својот татко Ертугрул Озтурк.

Озтурк, кој дал информации за неговата здравствена состојба и околината во која се наоѓа удирајќи со камења во ѕидот еднаш или двапати со помош на татко му, со овој начин на комуникација значително им ја олеснил работата на спасувачките екипи, при што бил спасен по 63 часа.