Спасовски: Важно е институциите да преземат предвремени мерки за заштита на електронските податоци

Министерот за внатрешни работи Оливер Спасовски информира дека се преземаат мерки за хакерските напади во земјава.

-Многу е важно сите институции да преземаме предвремени мерки за заштита на електронските податоци и системи затоа што најевтино е вложување во превенцијата. Се друго е многу потешко кога ќе ни се случи. Ова е нешто што претставува еден сериозен предизвик. Покрај миграцијата, тероризмот е еден од клучните предизвици, а хакерските напади се дел од тие напади, рече Спасовски во изјава за медиумите.

Според него, сите раководители на институциите треба да имаат основен приоритет на заштита на електронските системи и спречување на ваквите напади.

-Важно е критичната инфраструктура треба да биде заштитена, истакна Спасовски.

Ова следува откако беше соопштено дека со софтверот „ransomware“ е хакиран системот на Фондот за здравствено осигурување (ФЗОМ), со што се создаде проблеми со боледувањето и породилното отсуство, а неизвесно е и кога здравствените работници ќе добијат плата. Според информациите, хакерите бараат откуп за да ги вратат „киднапираните“ податоци од системот на ФЗОМ.

Share on Facebook

Tweet

Follow us

Save