INFOMAX.MK

Градоначалничката на Град Скопје, Данела Арсовска, денеска во име на Град Скопје потпиша договор со Здружението на асистивна технологија „Отворете ги прозорците“ со кој се обезбедува финансиска поддршка на програмата за деца и младинци со попреченост.

– Со Здружението на асистивна технологија „Отворете ги прозорците“ го потпишавме договорот за финансиска поддршка на програмата за деца и младинци со попреченост, кој опфаќа сервисна служба за асистивна технологија.

Обезбедување поквалитетен живот на децата и лицата со попреченост, преку квалитетни развојни програми и можности за нивно вклучување во различни сфери од општественото живеење е важен сегмент од нашите заложби.

Преку активностите кои се спроведуваат во Центарот за асистивна технологија, се овозможуваат континуирани и квалитетни услуги, дополнети со компјутерска примена на асистивната технологија.

Сервисната служба обезбедува и континуирана советодавна поддршка за семејствата, но и на сите чинители кои се вклучени во животот и третманот на децата и лицата со попреченост. – напиша Арсовска на Фејсбук.