Путин ќе ја враќа Царска Русија: Се бориме за нашите историски граници

Рускиот претседател Владимир Путин одржа говор на денешниот „патриотски собир“ на стадионот „Лужники“ во Москва пред одбележувањето на утрешниот национален празник Денот на бранителот на татковината и повика на единство на рускиот народ и поддршка за, како што вели, „ специјална воена операција“ во Украина.

„Во моментов, на нашите историски граници се води битка за нашиот народ, ја водат храбрите борци кои сега стојат до нас“, рече Путин, ракувајќи се со војниците кои стојат на бината, РИА Новости.

Рускиот претседател изјави дека оние кои ја поддржуваат „специјалната воена операција“, имено медицинските работници, вработените во одбранбените компании, транспортот, како и децата кои пишуваат писма до борците, се бранители на татковината.

„Во оваа смисла, денес во одбрана на нашите интереси, нашиот народ, нашата култура, јазик, територија, во ова целиот наш народ денес е бранител на татковината. Подарок за сите“, заклучи Путин.

Претседателот на Русија зборуваше пред полн стадион, а присутните вееја руски знамиња и скандираа „Русија“ и „Путин“. Се проценува дека на овој собир присуствуваат околу 200.000 луѓе. Организаторите на присутните им поделија ќебиња и руски знамиња, а пред стадионот делеа и топол чај и каша.

Share on Facebook

Tweet

Follow us

Save