„Лукаку седи на клупа затоа што има 103 килограми!“

Поранешниот италијански шампион Интер синоќа славеше со 1-0 против Порто во првиот осминафинален натпревар во Лигата на шампиони (ЛШ).

Единствениот гол на натпреварот го постигна Ромелу Лукаку во 86. минута, откако влезе во игра од клупата за резервни фудбалери, а директорот Бепе Марота зборуваше токму за таа одлука на тренерот Симоне Инѕаги.

„Зошто Лукаку е на клупа? Затоа што има 103 килограми и не е подготвен да биде во првиот тим. Чекаме да се врати во форма. Од враќањето во Интер се мачи, но уверени сме дека ќе го покаже својот квалитет“, кажа Марота.

Реваншот меѓу Порто и Интер се игра на 14 март од 21.00 часот.

Share on Facebook

Tweet

Follow us

Save