Паника на Детска клиника: Примиле дете суспектно на туберкулоза – во ризик од зараза останатите деца пациенти

На Детската клиника во Скопје доцна синоќа било донесено дете во тешка состојба, кое било итно префрлено од болницата Козле дознава „А1он“. Детето како итен случај е сместено во одделот за интезивна нега на детската клиника и е ставено на машина.

Се работи за деветмесечно бебе кај кое постои сомневање дека белодробната слабост му е предизвикана од инфективната болест туберкулоза. За проблемот да е поголем според нашите информации и мајката на бебето е со потврдена дијагноза и се лекувала од туберкулоза.

Бебето е интубирано и ставено на машина во сала во одделот за интезивна нега. Проблемот е што во овој момент според нашите информации во истиот тој оддел има уште 7 деца кои се најтешки случаи и се исто така поврзани на машини за оддржување.

Извор: А1 ОН

Share on Facebook

Tweet

Follow us

Save