Чарлс Трети побарал грчка православна музика за време на церемонијата за крунисување
Дванаесет новокомпонирани музички дела ќе бидат изведени на крунисувањето на британскиот крал Чарлс во Вестминстерската опатија на 6 мај, вклучително и грчка православна музика, соопшти Бакингемската палата.
Шест оркестарски, пет хорски и едно дело на оргули беа нарачани за оваа пригода, соопшти палатата, вклучително и новата химна на крунисувањето на импресариото Ендрју Лојд Вебер.
Чарлс Трети лично го направил изборот на музиката за време на церемонијата која опфаќа „различните музички стилови и изведувачи од традицијата, наследството и церемонијата комбиниирани со новите музички гласови на денешницата, како одраз на долгогодишната љубов и поддршка на кралот кон музиката и уметноста“, се вели во соопштението на Палатата.
Исто така, се вели дека Чарлс побарал грчката православна музика, која може да се следи уште од византискиот период, да биде вклучена во службата како почит на неговиот татко, принцот Филип, кој е роден на Крф.
