Путин: Не можам да замислам американски војници да се шетаат по руските нуклеарни постројки

Русија е принудена да се врати на разговорите за прашањето за нуклеарниот потенцијал на Велика Британија и Франција, бидејќи НАТО покажа дека претставува воен, а не политички блок, изјави рускиот претседател Владимир Путин.

„Тогаш ќе ги „ставиме во заграда“, имајќи го предвид намалувањето на тензиите, и тоа што НАТО се прогласи за речиси демилитаризирана организација, тие рекоа дека тие се повеќе политичка организација отколку воен блок. И како тоа не е воен блок? Гледаме што се случува. Затоа едноставно сме принудени да се вратиме на разгледување на оваа тема како централна“, рече Путин на телевизискиот канал „Русија 1“.

Рускиот претседател нагласи дека Русија не се противи на учеството на земјите од НАТО во дискусијата за Договорот за стратешко офанзивно оружје, иако тие формално не се дел од тој документ.

„НАТО излезе со соопштение во врска со ова и во исто време потпиша за некаков вид дискусија за ова прашање. Ако е така, тогаш ве молам, ние не сме против, нека учествуваат во таа дискусија“, рече Путин.

Тој истакна дека не може да замисли американски војници да ги контролираат руските нуклеарни постројки, а во исто време да го поддржуваат режимот во Киев.

„Покрај сè друго, кога тие го прават она што го прават денес во Украина, едноставно не можам да замислам американски војници да шетаат по нашите нуклеарни постројки. Тоа е едноставно смешно“, нагласи Путин.

Во врска со одлуката на Русија да го прекине учеството во Договорот за стратешко офанзивно оружје со Америка, рускиот претседател нагласи дека Русија е должна да ја заштити својата безбедност и стратешка стабилност.

На нив е што ќе разберат, а што не, не можеме да им влеземе во главите. Ние разбираме што треба да направиме. И ние мора да ја заштитиме нашата земја, да ја заштитиме безбедноста, стратешката стабилност“, нагласи Путин.

На 21 февруари, за време на своето обраќање пред Федералното собрание на Русија, претседателот на Русија објави дека Русија го суспендира своето учество во Договорот за стратешко офанзивно оружје. Генералниот секретар на НАТО Јенс Столтенберг изрази жалење во име на Алијансата за ваквата одлука на Русија и ја повика да се преиспита, пренесува Спутник.

Share on Facebook

Tweet

Follow us

Save