Менаџерот на Абердин: Секогаш имам само една порака за Миовски

Бојан Миовски ја погоди мрежата на Ливингстон и постигна многу важен гол со кој Абердин се врати во топ 6 на првенствената табела во шкотската Премиер лига, каде Македонецот добива пофалби и од новиот привремен тренер кој го наследи Џим Гудвин.

Македонскиот репрезентативец беше миленик на Гудвин и токму овој тренер му помогна многу при адаптацијата во Шкотска, но Бојан продолжува да решета и со новиот тренер, Бери Робсон.

– Секој ден кога го гледам Бојан, имам само една порака за него. Барам од него да трча брзо и да постигнува голови. Тој навистина го прави тоа. Кога играте против тим како Ливингстон, тие се обидуваат да го забават темпото и во такви ситуации си поставувате многу прашања за вашата игра. Тешко е да се влезе во ритам против нив, но успеавме да се избориме и да дојдеме до три бода, – изјавил Робсон.

Share on Facebook

Tweet

Follow us

Save