САД ѝ даваат на Украина 10 милијарди долари

Министерката за финансии на Соединетите Американски Држави Џенет Јелен денеска ја посети Украина.

Во Киев ја пречека претседателот на Украина, Володимир Зеленски. САД ја префрлија првата директната буџетска помош за Украина во износ од 1,2 милијарди долари, објави американското Министерство за финансии.

Севкупно, американската помош ќе изнесува речиси 10 милијарди долари.

„Денес со гордост објавувам дополнителен трансфер од повеќе од 1,2 милијарди долари. Ова е прва транша од приближно 10 милијарди долари директна буџетска помош што САД ќе ја обезбедат во наредните месеци“, рече Џенет Јелен.

САД и обезбедија на Украина економска помош од 13 милијарди долари, рече американскиот министер.

„На ист начин како што безбедносната помош ја зајакнува линијата на фронтот, верувам дека оваа економска помош го зајакнува задниот дел. Со тоа го зајакнува отпорот на Украина“, рече Џенет Јелен.

Share on Facebook

Tweet

Follow us

Save