Пресудата се очекува да биде на 14 март – заврши судењето за 17-годишната девојка од Тетово

Во тетовскиот суд заврши судењето на 17-годишната осомничена за убиството на младиот човек од Ново Село, Желино, кој на 21 декември минатата година беше пронајден мртов во реката Пена.

Во судот беше донесена и обвинетата, каде поради возраста присуствувале и социјалните работници. Судското рочиште заврши со брза постапка, додека пресудата се очекува да биде изречена на 14 март.

Адвокатот на 17-годишната девојка, Ибрахим Бајрами вели дека не може да даде никакви детали без дозвола на судот.

„За да ја испочитувам вашата волја за следење на поголемиот дел од судските процеси кои се и во интерес на јавниот процес, имам обврска да ве информирам дека по наредба на судот но и по законот за деца од член 99, сите кои се присутни на судските постапки каде се третираат деца немаат право да дадат какви било информации за текот на судскиот процес“, вели Ибрахим Бајрами.

Share on Facebook

Tweet

Follow us

Save