Војводи Тетово го одбележаа денот на почетокот на војната: Гледам блага светлица и мајки во црно… Дали нивните синови загинаа залудно?!

Се започна тој 14 Март од Тетовското кале. Од калето пукотници, а на плоштадот собир со извици учк и аплаузи за пукотниците. Оние кои од оваа држава јадат леб придружени од косовски екстремисти со оружје и се заканија на Македонија и Тетово. Започнаа војна за протерување на македонскиот народ и поделба на Македонија, но Македонија имаше храбри синови кои веднаш застанаа во одбрана на Тетово и Македонија.

Многумина од нив беа ранети и останаа инвалиди, а за жал некои и не се вратија назад во своите домови и загинаа. Загинаа за нашата сегашна слобода, за сите наши благодети во кои сега уживаме. Загинаа и ги оставија своите дечиња да пораснат без своите татковци, а дури некои не ни успеаа и да ја дочекаат и видат својата рожба, па сега 21 годинa подоцна и се прашуваме дали вредеше воопшто сето ова нивното жртвување ?

Денес голем дел од нашиот народ, а да не зборуваме и за политичарите како да ги заборавија македонските бранители па затоа и многумина од тие кои останаа живи се прашуваат за што ли се бореле и за што им загинаа нивните колеги, пријатели, другари и браќа.

Сета нивна крв која во 2001 год. се пролеа во Македонија, на Шар Планина и низ тетовскиот регион во изминативе 21 годинa е погазена, а денес станаа и заборавени херои на една двојазична и безимена држава.

Но затоа навивачката група ВОЈВОДИ и сите тетовчани никогаш нема да го заборават 14-ти Март 2001 год. и никогаш нема да ги заборават македонските херои кои ги положија своите животи за Тетово и Македонија !

ДА ЖИВЕЕ МАКЕДОНСКО ТЕТОВО !
ДА ЖИВЕЕ МАКЕДОНИЈА !
СЛАВА ИМ !

Share on Facebook

Tweet

Follow us

Save