Маричиќ прв домаќин: Борел и Вархеји пристигнаа во Скопје
Потпретседателот на Европската комисија и висок претставник за надворешни работи, Жозеп Борел и еврокомесарот за проширување, Оливер Вархеји вечерва пристигнаа во Скопје, а на скопскиот аеродром ги пречека вицепремиерот за европски прашања Бојан Маричиќ.
– Имав чест да посакам добредојде на големите пријатели на Македонија, потпретседателот на Европската комисија и висок претставник за надворешни работи, Жозеп Борел и еврокомесарот за проширување, Оливер Вархеји. Политичка поддршка која државите од Западен Балкан ја имаме треба да ја искористиме и да ги загарантираме стабилноста, мирот и европската перспектива на регионот, напиша Маричиќ на Фејсбук.
На утрешната седница на Советот за стабилизација и асоцијација, посочува Маричиќ во објавата, ќе имаме можност да разговараме за статусот на реформите, напредокот во евроинтеграциите и за билатералните односи во рамки на Спогодбата за стабилизација и асоцијација.
-Им посакувам успешен престој и со убави вести за регионот да заминат од нашата држава, која е пример за надминување на спорови по мирен и дипломатски пат, вели Маричиќ.
ПОВРЗАНИ ВЕСТИ
ДУИ: Недим Рама купувал акции во „Мерцедес“…
Недим Рама купувал акции во „Мерцедес“ додека…
(Видео) Турски авион се урна за време…
Турски борбен авион Ф-16 денес се урна…
Утре и задутре невреме со пороен дожд,…
Променливо облачно време со сончеви периоди. Наместа…
Манасиевски: Филипче на одмор кај Заев во…
Венко Филипче, преостанатиот талог од СДС, со…
Нема регистриран ниту еден пациент поради конзумирање…
Министерството за здравство ја информира јавноста дека досега…