Медведев за соборувањето на американскиот дрон: Американците целосно полудеа

Поранешниот руски претседател и актуелен втор човек во рускиот Совет за безбедност, Дмитриј Медведев на Телеграм се огласи за падот на американскиот дрон.

„За американскиот дрон. Кратки заклучоци: нема меѓународна конвенција на оваа тема. Чикашката конвенција од 1944 година и другите меѓународни документи не ги регулираат овие прашања. Патем, ќе потсетам дека Американците го уништија Договорот за отворено небо, кој даде право на воени инспекции“, напиша Медведев.

Тој додаде дека се уште се формира домашната легислатива.

„Сепак, Воздухопловните кодекси ги користат термините ‘забранети зони’ и ‘ограничени зони’. Значи, во согласност со член 15 од Граѓанскиот законик, се утврдуваат забранетите зони, опасните зони (области на полигони, минирање итн.), зони на ограничување на летови на авиони и други елементи на структурата на воздушниот простор кои се воспоставуваат за вршење на дејности во воздушниот простор“.

Тоа го прави владата. До овие правила мора да се придржуваат и дроновите. Особено во периодот на воените дејствија, што им е познато на сите корисници на воздушниот простор. Згора на тоа, понекогаш е тешко да се фиксира моментот кога авион или беспилотно летало влегува во територијалното море“, напиша Медведев.

Share on Facebook

Tweet

Follow us

Save