Без коментар: 15-годишник од Скопје праќал пораки за дојави за бомби во училишта во Скопје!
Денеска Секторот за борба против тероризам, насилен екстремизам и радикализам при Одделот за сузбивање на организиран и сериозен криминал до Основно јавно обвинителство за гонење на организиран криминал и корупција поднесе кривична пријава против 15-годишник од Скопје, за сторено кривично дело „тероризам”, предвидено и казниво по член 394-б став 2 од Кривичен законик.
Пријавениот малолетник на 24.02.2023, користејќи го својот мобилен телефон креирало електронска адреса, и истиот ден, користејќи го својот лап-топ компјутер од својот дом испратило порака со заканувачка содржина на службената електронска адреса на едно средно училиште во Скопје, за која по извршени проверки било утврдено дека е лажна. Притоа, со цел да ги прикрие своите активности при испраќање на поракaта малолетникот користел VPN апликација.
По преземени мерки и активности од страна на Секторот за компјутерски криминал и дигитална форензика утврдена е користената IP адреса, чиј сопственик е таткото на малолетникот, а врз основа издадена Наредба за претрес на дом од Основен кривичен суд Скопје, извршен е претрес во домот на родителот на малолетникот, од каде привремено се одземени мобилен телефон, сим картичка и лаптоп компјутер кои ги користело малолетното лице.
Од извршеното вештачење е утврдено дека истата електронска адреса е користена за да се испраќаат пораки со заканувачка содржина до неколку училишта на територијата на град Скопје од мобилен телефон и од лаптоп компјутер, во повеќе наврати.
На 03.03.2023, во присуство на негов родител, инспектор за малолетници и семејно насилство од СВР Скопје и адвокат, во полициска станица е извршен службен разговор со малолетникот, во текот на кој тој го појаснил начинот на извршување на кривичното дело.
ПОВРЗАНИ ВЕСТИ
Шерона Бишоп: Слободата во Америка ни е…
Говор на Шерона БИШОП, американска мајка, на…
Црвена младина го реставрираше спомен обележјето на…
Активисти на Црвена Младина од Скопје денес…
Агим Красниќи и уште тројца други македонски…
Во Урошевац, соседно Косово денеска се уапсени…
Порошенко со реакција, откако Русите распишаа потерница…
Поранешниот претседател на Украина, Петро Порошенко ѝ…
Властите на Берлин донеса одлука: Ја подаруваат…
Властите во Берлин се нудат да ја…