INFOMAX.MK

Скандал изби во местото Хмелницки, Украина. Во една од црквите на Украинската православна црква, која е поврзана со Московската патријаршија, се степаа свештеник и војник.

Украинскиот пратеник Виктор Бурлик на својата веб-страница објави видео од инцидентот.

Ukrainian media published a video from Khmelnytskyi, where there was a conflict between a serviceman and a UOC MP priest in a church.

The reason for the scuffle was the soldier's question: "How many people have to die before you stop coming here?" pic.twitter.com/hdKq0gbdHw

— NEXTA (@nexta_tv) April 2, 2023

Според Бурлик, на видеото се гледа воениот офицер Артур Ананијев. Од почетокот на целосната инвазија, тој доброволно замина на фронтот како дел од 19-от пушкарски баталјон. Во борбите тој се здобил со контузија и краниоцеребрална повреда.

– Колку луѓе ќе умрат пред да престанеш да доаѓаш овде? – прашал наводно војникот, а потоа бил нападнат.

На видеото се гледа како еден од свештениците во мантија го удира војникот. Другите членови на свештенството стојат и не го штитат војникот од нападот.

По обидот на украинското Министерство за култура да ги исели монасите на Украинската православна црква од Киевско-печерската лавра и нивното одбивање да го сторат тоа, украинската служба за безбедност вчера на поглаварот на Лаврата Павел му врачи документ во кој се обвинува за оправдување на руската воена операција во Украина и поттикнувајќи верска омраза.

Тие извршиле претрес во местото каде што живее и го предале на судот во Киев, каде му е изречен двомесечен куќен притвор.