Артан Груби облечен во знакот на 8 за камен-темелникот за коридорот 8

Се е подготвено за да се означи стартот на почетокот на изградбата на коридорите 8 и 10-д, за како што велат од Владата ќе биде досега најголемиот инфраструктурен проект, кој ќе чини 1, 3 милијарди евра, а за кој ќе бидат потребни и уште 300 милиони евра за експропријација. Камен темелникот ќе се попстави на свечен настан на коридорот 8, кај првата патарина на патот Тетово – Гостивар. Бината од каде ќе се обратат владините преставници е во форма на автопат, а на говорницата е означен бројот 8.

Првиот вицепремиер Артан Груби на настанот се појави облечен со црна маица на која се испаечатени по една жолта и бела лента и на неа бројот 8. Тоа може да се види и на фотографиите подоле на која Груби е со чешкиот амбасадор Јарослав Лудва.

Делниците од коридорите 8 и 10-д ќе ги гради американско-турскиот конзорциум „Бехтел и Енка“. Овој проект за владините претставници е историски бидејќи тежи 1,3 милијарда евра, а делниците од двата коридори треба да бидат завршени до 2027 година. Проектот опфаќа изградба на вкупно 110 километри автопат или по делници: Тетово – Гостивар над 17 км (33 месеци рок на реализација); Гостивар – Букојчани – 30,3 км (57 месеци рок на реализација); Требениште – Струга – Ќафасан 22 км (49 месеци рок на реализација); Прилеп – Битола 40 км (57 месеци рок на реализација).

Share on Facebook

Tweet

Follow us

Save