INFOMAX.MK

Во одржувањето на совршената физичка форма, најдобриот српски тенисер Новак Ѓоковиќ вели дека храната на база на овошје и зеленчук му помага со години, па одвреме-навреме со своите обожаватели ги споделува тајните на својата специфична исхрана.

Новак и неговото семејство имаат утринска рутина што ја следат, а која обично вклучува пиење здрави смути. Еден таков е сокот од целер, кој Ѓоковиќ го обожава.

„Овој сок е полн со минерали, сол и сè уште неоткриени елементи кои го чистат црниот дроб. Тој прави чуда, како кај мене и мојата сопруга, така и кај нашите деца. Сепак, не го земаат чист, туку со додаток на краставица или сок од јаболко“, на своите следбеници на социјалните мрежи им откри дека е Новак Ѓоковиќ.

Целерот содржи многу малку заситени масти и холестерол. Коренот, стеблото и листот се користат во исхраната, а во последните години добива голема популарност.

Најголемата предност на овој пијалок лежи во зајакнувањето на имунитетот. Самото растение и неговите семиња содржат соединенија кои нутриционистите ги нарекуваат фитонутриенти. Имаат силни антиоксидантни и антиинфламаторни својства, благодарение на апигенинот и лутеолинот.

Витаминот К, добиен од растенија како целерот, е еден од најефикасните помагачи во заштитата од остеопороза и скршени или испукани коски. Овој витамин овозможува таложење на калциум во коските и го спречува создавањето на остеокласти, односно клетки кои ги разградуваат коските.

Целерот е составен дел на супите и чорбите, а како зачин се користат и сувите семки од целер. Најдобриот тенисер на светот и еден од спортистите кој со години е во најдобра форма, Новак Ѓоковиќ неодамна детално објасни како се храни, а истакна дека секое утро пие топла минерална вода со лимон и лимета, како како и свежо исцеден сок од целер.

Сокот од целер можете лесно да го подготвите дома, а се што ви треба е соковник и неколку минути од вашето време.

Состојки:
4 стебленца целер (вклучувајќи ги листовите)
2 зелени јаболка (мали)
парче ѓумбир, околу 2,5 см, излупено
кора од половина лимон
половина жолто цвекло, излупено

Подготовка:

Сите состојки исечкајте ги на доволно мали парчиња за да се вклопат во соковникот, вклучете го и толку. Се пие веднаш, додека е свежо.