Банална расправија за рамазански леб – причина за пукањето во Чаир

Еден од двајцата згрижени во Градската болница Свети Наум Охридски е задржан на понатамошно лекување по синоќешниот инцидент во Чаир, кога во тепачка беше употребено и огнено оружје..

Трагите од крв на уличниот асфалт позади скопската поликлиника „Бит Пазар“ сведочат за синоќешната физичка пресметка која заврши со пукање, а во која тројца, меѓу кои и еден малолетник, беа повредени.

Двајца од нив беа преснесени во ГОБ „Св. Наум Охридски“ од каде во изјава за Канал 5 велат дека дваесет годишникот кој има прострелна рана во десната дланка е во стабилна состобја, но е задржан на понатамошно лекување, додека другото 23-годишно лице кое имало повреда на главата од цврст предмет е пуштено дома. Третиот, кој бил случаен минувач и се обидел да ги раздели групите, но и тој настрадал со повреда на носот е пренесен на Клиниката за уво, нос и грло. Засега нема информација за приведени. Од полицијата велат дека работат на расчистување на случајот..

Според се уште нефицијални информации расправијата и физичката пресметка која завршила со пукање настанала затоа што не се почитувал редот во пекарата каде се купувал рамазанскиот леб.

Посегнувањето по оружје и неговата употреба и при најбанални несогласувањата меѓу луѓето е проблем како кај нас, така и во целиот свет, вели психологот Мирјана Стојановска Јовановска. Главната причина за тоа ја гледа во тоа што оружјето е лесно достапно

„Големата достапност до одружјето, дека може се кој да го носи дека може лесно да се извади, добро кај нас не е толку страшно додека во Америка или на запад е станато масовно поседувањето на оружје..

Втората причина за тоа дека на многумина им е полесно да посегнат по оружјето наместо да се обидат на мирољубив начин да решат некој проблем, Јовановска ја гледа во тоа што младите се под огромно влијание на агресијата и насилствата кои се прикажуваат на филмовите, видео и игрите и интернетот.

Share on Facebook

Tweet

Follow us

Save