Германија ќе ги угасне нуклеарните централи, граѓаните се бунат

Според истражувањето на институтот ИНСА за германскиот весник Билд ам Зонтаг, 52 отсто од испитаниците сметаат дека не е во ред да се исклучат од електричната мрежа последните три нуклеарни централи следната недела, а 37 отсто ја поддржуваат таа одлука. Единаесет проценти од испитаниците не се изразиле.

Сите германски нуклеарни централи требало да бидат затворени до крајот на 2022 година според политиката што ја договори поранешната канцеларка Ангела Меркел по нуклеарната катастрофа во јапонската централа Фукушима во 2011 година.

Но, минатата година, последиците од војната во Украина и падот на испораките на руски гас ја доведе во прашање способноста на најголемата европска економија да продолжи нормално да функционира, а прашање беше дали домаќинствата во земјата ќе можат да се загреат за време на постуденото време.

Социјалдемократскиот канцелар Олаф Шолц се соочи со раскол во неговата трипартиска владејачка коалиција и беше принуден да донесе одлука трите нуклеарни централи да продолжат да работат до 15 април.

Критичарите тврдат дека со целосно напуштање на нуклеарната енергија, Германија му врти грб на достапен и сигурен извор на енергија.

Лидерот на најголемата германска опозициска партија, Христијанско-демократската унија, остро го критикуваше затворањето на електраните.

„Тешко дека ќе најдете некој во странство кој го разбира фактот дека Германија, во најголемата енергетска криза во (последниве неколку) децении, затвора три безбедни електрани без CO2 и наместо тоа се враќа на јаглен и гас“, рече Фридрих Мерц.

Мерц го припишува фактот дека Германија ја преживеа зимата без економска криза или недостаток на гас на благите температури и заштедата на енергија во индустријата и домаќинствата.

Заменик-шефот на пратеничката група на претставниците на социјалдемократите во германскиот парламент, Матијас Миерш, напротив изјави за Web.de: „Пред да се исклучи секој реактор, нуклеарните ентузијасти го насликаа сеништето на прекин на струја на ѕидот, а сепак никогаш немаше прекин на снабдувањето“.

Share on Facebook

Tweet

Follow us

Save