INFOMAX.MK

Руското Министерство за одбрана истражува 240 различни патогени на опасни болести откриени во украинските биолошки лаборатории, вклучувајќи антракс и колера. Ова во средата на пленарниот состанок на Советот на Федерацијата го соопшти шефот на силите за радијациона, хемиска и биолошка заштита на вооружените сили на Руската Федерација, Игор Кирилов.

„Навистина работевме во четири лаборатории. Во тие лаборатории што ги најдовме беа пронајдени околу 240 различни патогени супстанци од различен вид. Ги проучуваме и продолжуваме да ги проучуваме. Повеќето од нив се однесуваат на антракс, колера“, рече Кирилов за време на состанокот, на кој се разгледуваше конечниот извештај на парламентарната комисија за истражување на околностите поврзани со создавањето на биолошки лаборатории од американски специјалисти на територијата на Украина.

Тој истакна дека Русија има вакцини и лекови против ваквите опасни болести.

„Ние соработуваме со Министерството за здравство и Роспотребнадзор во оваа насока и продолжуваме со оваа работа“, рече Кирилов.