Руската амбасада во Скопје го одбележа Меѓународниот ден на космонаутиката: Баздникин се поклони на споменикот во Скопје

Денеска по повод Меѓународниот ден на космонаутиката Амбасадата на Руската Федерација ја одржа свечената церемонија на положување венци кон споменикот на Јуриј Гагарин во Скопје.

Амбасадата на Русија ја претставуваше делегацијата на чело со Амбасадорот Сергеј Баздникин. На настанот присуствуваа раководството на странските дипломатски претставништва, меѓу кои е Амбасадорот на Босна и Херцеговина Драган Јаќимовиќ, Почесниот конзул на Русија во Охрид Велимир Стојковски, пратеникот и лидерот на Демократската партија на Србите во Македонија Иван Стоилковиќ, делегацијата на компанијата „Лукоил“ предводена од Регионалниот директор Андреj Куку, претставници на Рускиот центар при УКиМ, на МПЦ-ОА, како и на општествено-политичките организации, наши сонародници.

На присутните со поздравен говор им се обрати Амбасадорот Сергеј Баздникин. Во рамките на настанот, учениците од О.У. „Димитар Миладинов“ Калина Анчева и Даниел Видиновски читаа поезиjа на руски поети посветени на Јуриј Гагарин и вселената.

Share on Facebook

Tweet

Follow us

Save