Трамп откри колку вреди неговата империја: Од бројката “боли глава”

За прв пат од крајот на неговиот мандат како претседател на САД, Доналд Трамп доброволно откри детали за неговите финансии. Според документите од околу 100 страници, тој наведува приход од неговата линија на картички за дигитално тргување, компанијата која стои зад неговата онлајн платформа Truth Social и говорните ангажмани. Обелоденувањето на финансиската состојба е предуслов за обидот на Трамп да стане републикански кандидат за претседател во 2024 година.

Според извештајот, приходот на Трамп од неговите дигитални колекционерски картички е помеѓу 100.000 и 1 милион долари. Сликите, кои чинат по 99 долари, го прикажуваат републиканецот во различни пози, вклучително и како каубој, астронаут и пилот на борбен авион. Покрај тоа, според документите, тој заработил повеќе од 5 милиони долари (околу 4,5 милиони евра) од говорни ангажмани.

Според неговите сопствени бројки, Трамп речиси и да не заработил од неговата онлајн платформа Truth Social. Според формуларот што Трамп го поднел до Федералната изборна комисија во петокот, заработката на социјалната мрежа изнесувала помалку од 201 долар. Трамп поседува 90% од Truth Social. Тој ја проценува вредноста на платформата помеѓу 5 и 25 милиони долари и покрај малиот приход. Федералната агенција го следи почитувањето на правилата за финансирање на кампањата.

Вкупно, неговото богатство е оценето на 1,2 милијарди долари.

Share on Facebook

Tweet

Follow us

Save