Неколку начини како да ја отстраните бојата за јајца од вашите раце

Домаќинките бојадисуваат и декорираат јајца на различни начини – некои се држат до традиционалниот начин сликајќи ги во кромид и растенија, додека многу ги бојадисуваат во бои за јајца, па дури и во прехрамбени бои за торти.

Како и да ги декорирате вашите велигденски јајца, препорачливо е да носите ракавици за да не ги бојадисате вашите раце, но сепак доколку ги бојадисате постојат едноставни решенија како да ја отстраните бојата.

Се што ќе ви биде потребно за да ги исчистите рацете од бојата е сода бикарбона. Прво намокрете ги рацете со топла вода, а потоа нанесувајте сода бикарбона на кожата каде што бојадисана, а потоа внимателно тријте со четка додека не ја извадите бојата.

Исто така може да ги исчистите боите од рацете со помош на лимон. Исечете го на половина, а потоа истурете сол на половината лимон и тријте ја кожата на места каде што е бојадисана.

Како трет и едноставен начин за отстранување на бојата е и оцетот! Истурете малку оцет на кожата и нежно истријте го со четка или пак, ставете оцет на крпа и нежно протријте го бојадисаното место. Но, многу е важно и да се напомене дека не се препорачува истурање оцет на целите раце, бидејќи доаѓа до екстремно сушење на кожата.

Од голема важност е и после секоја постапка кожата да се третира со хидрирачка крема за раце која ќе помогне рацете да се хидрирани и меки.

Share on Facebook

Tweet

Follow us

Save