INFOMAX.MK

Градоначалничката на Град Скопје, Данела Арсовска, изврши увид во реконструкцијата на улицата “Даме Груев”. Како што објасни градоначалничката, реконструкцијата е во втора фаза, а овој проект е од големо значење за жителите на општината Центар, но и на сите кои се движат во овој дел од градот.

-Извршивме увид на реконструкцијата на втората фаза на ул. Даме Груев од раскрсницата со ул. Димитрие Чуповски до раскрсница со ул. Македонија, сообраќајница која е во лоша состојба и континуирано е посочувана од жителите како опасност по учесниците во сообраќајот. Реконструкцијата ја врши градското јавно претпријатие Улици и патишта Скопје.

Овој проект е од големо значење за жителите на Центар кои живеат на тој потег, но и на сите кои секојдневно се движат по овој потег. Во текот на градежните работи на овој дел од улицата Даме Груев покрај коловозот на површина од 3.250 квадратни метри, се реконструираат и пешачките патеки, нивелираат шахтите и сливниците, а планирана е велосипедска патека и уредување на зеленилото долж целата сообраќајница. – напиша Арсовска на Фејсбук.