Рускиот тенисер Рубљев: Ќе ми биде чест Ѓоковиќ да ми биде тренер

Рускиот тенисер Андреј Рубљев денеска по победата над Перуанецот Хуан Пабло Вариљас за веб-страницата на Србија опен изјави дека ќе му биде чест еден ден да го има Новак Ѓоковиќ за тренер.

“Немам доволно пари да му платам на Новак. Но, би ми било чест да го имам за тренер. Би било нереално ако тој сподели половина од своето искуство со мене”, објасни Рублиов.

Победникот на Мастерсот во Монте Карло изјави дека му е многу благодарен на директорот на турнирот Ѓорѓе Ѓоковиќ.

„Благодарение на братот на Ѓоковиќ, Ѓорѓе, многу ми помогна да дојдам од Ница во Бања Лука. Не го очекував тоа и му благодарам за тоа. Во понеделник одморив, во вторник тренирав малку, во среда малку повеќе, а денес играв доста добро. Не очекував да победам вака лесно. Хуан за малку ќе го победи Зверев на Австралија опен оваа година, тој е опасен и може да игра многу добро. Не очекував дека се ќе ми излезе денес “, изјави Русинот, пренесе Танјуг.

Со насмевка на лицето рече дека ги пробал познатите бањалучки ќебапи.

Во еден локален ресторан веднаш пробав ќебапи и многу ми се допаѓаат“, изјави видно расположениот Рубљев, кој утре во четвртфиналето ќе игра против Дамир Џумхур.

Share on Facebook

Tweet

Follow us

Save