Белоруската војска ја заврши обуката за работа со тактичка нуклеарна муниција

Белоруските единици завршија обука во Русија за работа со ракети „Искандер“, вклучително и употреба на тактичка нуклеарна муниција, соопшти белоруското Министерство за одбрана.

„Единиците на оперативно-тактичкиот ракетен систем „Искандер-М“ на ракетните сили на Армијата на Белорусија завршија практична обука во Русија. „Денеска слетаа на аеродромот Мачулишчи, откако го завршија целиот циклус на подготовки на еден од полигоните во Русија“, се вели во соопштението на Министерството.

Обуката опфаќа унапредување на практиката во примената на ракетниот систем, подготовка за негово распоредување, како и тренинзи-борбени лансирања. Исто така, војниците детално се занимаваа со употребата на тактичка нуклеарна муниција.
Неодамна, белоруските пилоти исто така завршија обука во Русија за да бидат подготвени за употреба на нуклеарна муниција.

Share on Facebook

Tweet

Follow us

Save