Утре ќе се знае дали Косово ќе стане член на Советот на Европа

Барањето на Косово за членство во Советот на Европа ќе се најде на дневен ред на состанокот на Комитетот на министри утре, кој е закажан за 14 часот и 30 минути.

Како што е објавено на веб-страницата на Советот на Европа, во предлог дневниот ред, во втората точка која опфаќа актуелни политички прашања пишува „апликација за членство“, иако без да се спомене Косово, но косовските медиуми пренесуваат дека нема сомнеж дека се работи за барање од Приштина, со оглед на тоа што тоа е единственото барање кое пристигнало на адресата на Советот на Европа во Стразбур уште во мај минатата година.
Во оваа прилика, советничката на претседателката на Косово, Рејхан Вуниќи, на Твитер објави дека барањето на Косово за прием во Советот на Европа ќе се разгледува утре.

Share on Facebook

Tweet

Follow us

Save