Арсовска на официјална средба со градоначалникот на Бања Лука: Иницијатива за збратимување на градовите

Градоначалничката на Град Скопје, Данела Арсовска денеска се сретна со градоначалникот на Бања Лука, Драшко Станивуковиќ, соопшти градоначалничката на Фејсбук.

-На покана на градоначалникот на Бања Лукa, Драшко Станивуковиќ, денес имавме официјална работна средба на која се разговараше на повеќе теми за меѓусебна соработка на двата града, размена на искуства, како и отпочнување конкретна соработка.

Градот Бања Лука е економски, политички и културен центар на Република Српска, со огромен потенцијал за развој на трговската размена и економијата, за што покренавме иницијатива за збратимување на двата града. Воедно, се договори соодветна динамика што води кон конкретна соработка за имплементација на проекти кои се од взаемен интерес на двата града, во областа на културата, образованието, спортот, туризмот, економијата и животната средина. – напиша Арсовска на Фејсбук.

Share on Facebook

Tweet

Follow us

Save