Путин отворено: Русија секогаш ќе ги поддржува Турција и Ердоган

Рускиот претседател Владимир Путин преку видео-врска се приклучи на церемонијата за полнење нуклеарно гориво на првата единица на нуклеарната централа Акују во Турција. На церемонијата преку видео врска се приклучи и турскиот претседател Реџеп Таип Ердоган.

Во својот говор Путин изградбата на електраната ја нарече најголемиот проект на Русија и Турција, кој овозможува развој на економските и добрососедските односи меѓу двете земји.
Да не беше таков претседател како Ердоган, ќе беше тешко да се зборува за успех.
-„Сметам дека е важно да нагласам дека изградбата на првата нуклеарна централа во Турција и, всушност, создавањето од нула на нова напредна високотехнолошка индустрија е уште еден убедлив пример за тоа колку вие, господине претседателе Ердоган, правите за вашата земја, за растот на нејзината економија, за сите турски граѓани“, рече тој.

Според Путин, турскиот претседател „знае да поставува амбициозни цели и самоуверено оди кон нивна реализација“. Од наша страна секако поддржуваме таков став“. Москва секогаш ќе ја поддржува Анкара.

Русија има за цел да го зголеми снабдувањето со гас за други земји преку гасен центар што се гради во Турција.
„Решени сме да ја интензивираме соработката во снабдувањето со гас за трети земји, тоа е целта на предлогот за создавање регионален гасен центар во Турција за снабдување на заинтересираните странски клиенти со природен гас по пазарни цени“, рече шефот на руската држава. .
Како што истакна, Русија ќе направи се за да ги задоволи потребите на Турција за природен гас. Според него, цената на природниот гас само ќе се зголемува.
Ердоган за прв пат се појави во јавноста по краткото боледување.

Повеќе од 400 турски компании учествуваат во реализацијата на проектот за нуклеарната централа Акују, најави директорот на компанијата Росатом Алексеј Лихачев, која го изгради нуклеарниот објект.
Како што истакна, првиот блок на нуклеарната централа е речиси завршен, привршува инсталацијата на опремата.
Директорот на Меѓународната агенција за атомска енергија, Рафаел Гроси, во своето обраќање на церемонијата рече дека нуклеарната централа ќе произведува електрична енергија 100 години.

Share on Facebook

Tweet

Follow us

Save