Русите лансирале 15 крстосувачки ракети кон Киев

Русија утрово лансираше околу 15 крстаречки ракети кон главниот град на Украина, но системите за противвоздушна одбрана ги соборија сите, соопштија украинските власти, откако претходно се огласија предупредувањата за воздушен напад во поголемиот дел од земјата.

Денешните напади, петти овој месец, се случија еден ден откако Русија го лансираше најголемиот број беспилотни летала досега.
Началникот на градската воена управа на Киев Серхи Попко изјави дека плановите на агресорите пропаднале.

Тој тврди дека Русите се обидуваат да убијат што повеќе цивили дури и на денешниот Ден на победата во Русија, еден од најсвечените национални празници таму, со кој се одбележува годишнината од поразот на нацистичка Германија во 1945 година.

Тој, исто така, рече дека според прелиминарните информации, нема жртви во нападот, кој бил извршен со крстосувачки ракети од областа на Каспиското Море.

Share on Facebook

Tweet

Follow us

Save