INFOMAX.MK

Ќе фрчат амнестии, се што е политички случај има да се амнестира, вели во денешната епизода на Тешки муабети лидерот на ГРОМ, Стевчо Јакимовски, како одговор на прашањето што е првиот чекор доколку стане претседател на РМ.

Ги поддржуваме евроинтегративните процеси но нема да дозволам да си играат со мојата држава, како што на нас ни треба Европа така и ние ѝ требаме на неа. Ако се однесуваме неодговорно со мигрантите ќе види Европа каква беља може да направиме.

Ќе инсистирам Армијата да се вооружи, да се дигне на повисок степен, мора да има квалитетен резервен состав, видовте што се случи со Украина но нивната армија беше спремна, а ние?

Врховниот командант мора да се бори за тие што се под него. Агенцијата за разузнавање има 50 милиони денари буџет, како да знаат тие надвор што се случува со тие пари, тоа е малку.

Мора малку претседтаелот да се впушти во економска промоција на државата, мора светски државници да се донесат, инвестиции, народот тука да работи, не само да си оди, вели Јакимовски.