Захарова: ЕУ ја принудува Србија да го признае Косово

Средбата меѓу претседателот на Србија, Александар Вучиќ и косовскиот премиер Албин Курти, која се одржа на 2 мај во Брисел, во основа беше неуспешна, коментираше портпаролката на Министерството за надворешни работи на Русија, Марија Захарова.

„Уште една средба во рамките на дијалогот меѓу Белград и Приштина, со посредство на ЕУ, повторно заврши без договор за клучното прашање за формирање на Заедницата на српските општини. Во суштина, тоа е неуспех. Претставниците на ЕУ уште еднаш и дозволија на Приштина да продолжи да ја саботира својата посветеност во однос на формирањето на ЗСО. Акциите на косовските „власти“, кои ја влошуваат ситуацијата на северот на покраината, исто така останаа без соодветна реакција од ЕУ: зголемување на случаите на заплашување, напади врз Срби и нивно приведување од страна на косовската „полиција“ , зголемување на присуството на специјални сили, намера да се формираат локални власти од етнички Албанци врз основа на легитимните резултати на т.н. општински избори кои се одржаа на 23 април“, објави Захарова.

Во таа насока, таа потсети дека во Брисел „со зборови се залагаат за територијалниот интегритет на државите, додека реално промовираат отцепување на дел од територијата од Србија“.

„Во таква ситуација не може да стане збор за некаква објективност или ефективно посредување. Напорите на ЕУ се сведуваат на притисок врз Белград за да го турка чекор по чекор кон признавање на „државноста“ на Косово, покажувајќи ја нивната неподготвеност да го надминат отпорот на упорните косовски претставници“, рече Захарова.

Како што додаде таа, неможноста да се игра улогата на „чесен посредник“ се манифестира при секој преговарачки процес во кој е вклучена ЕУ.
„Членките на ЕУ ги ставаат во преден план идеологијата и геополитиката, претворајќи се во алатки на САД и НАТО. Тие водат конфронтирачка политика кон Русија, Кина и другите независни земји. „Лицемерието и двојните стандарди се очигледни“, заклучи Захарова.

Share on Facebook

Tweet

Follow us

Save