Противкандидатот на Ердоган дочекан со овации на избирачкото место во кое гласа

Во Турција се одржуваат парламентарни и претседателски избори, кои се сметаат за едни од најзначајните во историјата на модерна Турција. Граѓаните избираат претседател меѓу актуелниот шеф на државата Реџеп Таип Ердоган, главниот опозициски кандидат Кемал Киличдароглу и Синан Оган.
Киличдароглу го искористи своето право на глас во Анкара, а на избирачкото место беше дочекан со овации.

Ердоган гласаше во Истанбул.
Го следам процесот од утрото, министерот за внатрешни работи ме информираше дека тековното гласање се одвива без проблеми и инциденти“, изјави Ердоган на новинарите по гласањето на избирачкото место во истанбулската област Ускудар.
На изборите право на глас имаат над 64,1 милион граѓани, кои своето избирачко право ќе го остварат во Турција и во странство.

Доколку ниту еден од кандидатите не освои повеќе од 50 отсто од гласовите на претседателските избори, двајцата кандидати со најмногу гласови ќе се натпреваруваат во вториот круг, кој ќе се одржи на 28 мај.
За гласовите на гласачите на парламентарните избори ќе се борат вкупно 24 политички партии и 151 независен кандидат.

Share on Facebook

Tweet

Follow us

Save