Русите бесни: ЦИА се обидува да регрутира руско население и да направи предавници

Обидите на американската Централна разузнавачка агенција (ЦИА) да регрутира Руси со објавување пропагандни видеа се провокација и се дел од хибридната војна против Русија, изјави рускиот амбасадор во Вашингтон Анатолиј Антонов.

„Тоа не е прва дрска провокација на американските разузнавачки служби. На пример, кога се користи „Јутјуб“ на територијата на амбасадата, има редовно таканаречено насочено рекламирање, односно се појавуваат видеа на Федералната служба за безбедност (ФБИ) чија цел е регрутирање. Наведени се телефонски броеви на кои можете да се јавите и да станете предавник. Започна минатата година. Тоа е координирана кампања во рамките на хибридната војна започната против Русија“, рече Антонов, коментирајќи го видеото објавено од ЦИА на 16 мај, во кое ги повикува Русите да споделат информации со нив.

Како што додава тој, „злосторниците на Запад уште од поразот на Наполеон знаат дека Русија е цврста наспроти нападите однадвор“.
„Сега кога нивниот блицкриг со санкции пропадна и сфатија дека не можат да ни нанесат воен пораз, тие се обидуваат да посеат раздор во руското општество. Нивната задача е да свртат се наопаку и да не натераат повеќе да не веруваме во себе. И тогаш мислат дека со голи раце би можеле да ја преземат Русија“, оценува Антонов.

Сепак, амбасадорот е сигурен дека рускиот народ добро ги научил лекциите од историјата и нема да дозволи обиди за уништување на единството. Тој потсети дека граѓаните и политичките сили во Русија ја поддржуваат специјалната воена операција и дека тоа треба да го имаат предвид“.
За потсетување, американската Централна разузнавачка агенција (ЦИА) отвори канал на Телеграм каде се обидува да регрутира Руси користејќи пропагандни видеа. На 15 мај, соработниците на ЦИА објавија на социјалната мрежа дека агенцијата отвори канал на Телеграм за да им се обрати на оние кои треба да соработуваат со неа.

На споменатата мрежа е објавено пропагандно видео на руски јазик. Во соопштението се наведува дека американската Централна разузнавачка агенција е заинтересирана да добие информации за економијата или за високото раководство на Руската Федерација.

Share on Facebook

Tweet

Follow us

Save