Австриец и Грк сакале да внесат дрога – уапсени на Табановце!

65-годишен Грк и 46-годишен Австриец се уапсени на Граничниот премин „Табановце“, соопшти МВР.

Како што велат од полицијата, тие се обиделе да прошверцуваат дрога во автомобилот.

-Вчера во 12.30 часот на Граничен премин „Табановце“, полициски службеници од Полициската станица за граничен премин и граничен надзор Табановце ги лишиле од слобода Н.К.(65) од Република Грција и Х.Ф.М.(46) од Австрија. При преглед во патничко возило „мерцедес“ со австриски национални ознаки, кое го управувал Н.К., а сопатник бил Х.Ф.М., биле пронајдени и одземени марихуана, епрувети со кафеава течност и други предмети, појаснуваат од МВР.

Лицата биле предадени на полициски службеници од Единицата за недозволена трговија со дрога при СВР Куманово за понатамошна постапка.

Share on Facebook

Tweet

Follow us

Save