INFOMAX.MK

Мобилност Скопје со целосна поддршка од Мобилност МК на 30 мај(вторник), ќе го организира настанот за одбележување на деновите на МС, Параплегија и Дистрофија со цел подигнување на јавната свест за лицата со овие дијагнози и состојби, борба за остварување на нивните права и кохезија во заедницата за нивни еднакви можности.

По тој повод режиравме организација која ќе започне со собир во 10 часот пред порта Македонија каде ќе имаме покането голем број наши членови, пријатели, поддржувачи, јавни личности, лица од сферата на општествените и државните сектори и секако медиуми пред кои ќе продискутираме за сите потреби и проблеми на лицата со конкретни изјави пред нивните камери. Во 11 часот со мирен марш композицијата од лицата со инвалидитет и останатите учесници на собирот, ќе тргне по улица 11 Октомври кон Собранието на РМ и ќе се движи се до ДХО”Даре Џамбаз” каде учесниците ќе се состанат на мало дружење после кое настанот ќе заврши.

Во надеж дека оваа година ќе присуствувате на нашиот голем ден за лицата со овие дијагнози и состојби со кое ќе дадете огромна поддршка за свесноста кон нив во градот, однапред ви се заблагодаруваме и поздравуваме.

Со почит

Мобилност Скопје

Претседател-Гоце Миновски