СДСМ најави белгиска инвестиција во Кичево: Ќе се отворат над 600 работни места со просечна плата од 1.500 евра

Белгиската компанија АБЕЕ ќе инвестира во Македонија околу 40 милиони евра и во наредните три до четири години ќе отвори над 600 работни места, со просечна плата од 1.500 евра, соопштија утрово од СДСМ за најновата инвестиција во земјава.

Фабриката за батерии за автомобили ќе се гради во технолошката зона во Кичево.

Од партијата нагласуваат дека економските мерки и политики на Владата предводена од СДСМ и премиерот Димитар Ковачевски даваат резултати.

-Благодарение на одговорниот и ефикасен пристап на Владата предводена од СДСМ во привлекување странски инвестиции, минатата година ја завршивме со рекордни странски директни инвестиции од 753,8 милиони евра, стои во соопштението од СДСМ.

Share on Facebook

Tweet

Follow us

Save